O alumnado de 1º ESO tivo a sorte de experimentar unha modalidade deportiva pouco coñecida, a Esgrima.
Como cada ano conmemoramos esta data facendo un concurso de comparsas. Alumnado e profesorado actúan con dramatizacións ou bailes e gozamos todos os membros da comunidade educativa dun gran día de festa. Aquí podedes ver algunha fotografía e o enlace aos vídeos das actuacións.
Coa colaboración do profesor Álvaro Lence e de forma interdisciplinar, encardinando a actividade co Club de Ciencia, realizamos un monográfico de Xadrez. Coñecemos a lenda da orixe do xadrez, realizamos retos de dificultade crecente e gozamos con este bonito e inetresante deporte.
Da man de Pablo Pintos, membro da Federación Galega de Loita Olímpica e ex-seleccionador nacional da Federación española en distintas categorías, así como exmembro da selección española de loita olímpica e exdeportista olímpico, o alumnado gozou cunha sesión na que practicaron agarres, soltas e derribos, intercalados con xogos. Pablo tamén explicounos os beneficios de practicar deporte e a importancia da constancia. Unha ensinanza para a vida.
Un auténtico luxo. Grazas Pablo!
Como todos os cursos por estas datas, gozamos cun baile compartido entre alumnado e profesorado.
Ao ritmo de Ariana Grande "Santa Tell me".
Boas Festas!!
Grazas á colaboración de Deporte Escolar e da Asociación Galega de Fútbol Gaélico o noso alumnado de 2º ESO gozou de varias sesións de achegamento a este deporte. Como colofón, no noso centro acollimos a celebración dun Torneo intercentros. Participaron sete equipos mixtos, o Colexio Fingoi de Lugo, o C.P.I. "Dr, López Suárez"de Friol e o IES Xograr Afonso Gomez. Unha bonita xorbnada de convivencia.
https://www.facebook.com/iesxograr/posts/1078240284097031?locale=es_ES
