O día 21 de maio, xoves, ás 20:15 horas, tivo lugar un taller de RCP (Reanimación Cardiopulmonar Básica) promovido pola ANPA do Colexio Frei Luis de Granada en colaboración co 061 e co Ies Xograr Afonso Gómez.
O taller, no que participaron 22 pais/nais e profesores/as, estivo impartido por Susana Rodríguez (enfermeira do 061) e acompañouna coma axudante Sonia Cantalapiedra (profesora de Educación Física do Ies Xograr Afonso Gómez).
Tras a proxección do vídeo da AHA e da exposición teórica dos supostos nos que é necesario a aplicación da RCP, todos os asistentes puideron facer prácticas de masaxe con bonecos.
Asemade explicouse a Maniobra de Heimlich e respondeuse a varias preguntas dos asistentes con referencia á resposta ante diferentes situacións de emerxencia.
Estas son algunhas fotos da actividade colaborativa entre os centros educativos e as familias.
No hay comentarios:
Publicar un comentario