TALLER DE SKATE

 O día 7 de abril, para conmemorar o Día Mundial da Saúde, realizamos no noso centro varias actividades relativas a mobilidade sostible  e segura e á prevención de accidentes de tráfico.

Para iso varios grupos da ESO recibiron un taller de Skate impartido por Uxío Rodríguez da escola de Surf de Viveiro. Uxío realizou unha progresión para o alumnado e todos puideron gozar sobre os Skates, iso si, utilizando proteccións. Aprenderon a caer, a deslizarse e fixeron unha iniciación aos xiros, unha gran  proposta como iniciación. 

Tamén o alumnado de Bacharelato recibiu a charla "O importante é chegar", impartida por persoal de FEGADACE (Federación Galega de Dano Cerebral) para concienciar sobre os accidentes de tráfico.

Agora moi prontiño teremos as bicicletas da DGT para facer talleres de condución e manexo da bicicleta.

 

 

 

 

 CONMEMORANDO O DÍA MUNDIAL DOS DEREITOS DO CONSUMIDOR

Dentro do proxecto "Xeración Eco" e do Plan de sostibilidade, desde o Departamento de Educación Física realizamos unha actividade práctica para concienciar sobre o aproveitamento de recursos e o valor de aproveitar antes que mercar. Nesta data tan sinalada o primeiro é saber o seu orixe...                               

O 15 de marzo celebramos o Día Mundial do consumidor, esta data foi establecida no ano 1962, grazas ao presidente John F. Kennedy que decretou que todas as persoas sen distinción de clases, tivesen dereito a gozar de certos beneficios como consumidores. A partir de 1983, instituíuse este día e dous anos despois, establécese nas Nacións Unidas un decreto para a protección dos consumidores. De acordo ao establecido no Consello das Nacións Unidas, todos os cidadáns do mundo teñen entre outros dereitos:
- Dereito para elixir.
- Dereito a recibir educación para así poder realizar eleccións correctas de bens e servizos.
- O dereito de vivir e gozar dun medio ambiente máis saudable e sustentable.
En base a estes dereitos desde o Departamento de Educación Física realizáronse unha serie de actividades e xogos con material de refugallo e con produtos reciclados, tentando poñer en valor a creatividade e o inxenio por riba do consumo.
Kalahas ou Mancalas con caixas de ovos e garavanzos, aros malabares con cartóns e xornais, aros con llantas de bicicletas, rolos de equilibrio con tuberías e táboas, xogos con chapas, carreiras con sacos, etc
En definitiva, reciclando e traballando para ser unha "Xeración máis Eco"!

DESPEDINDO O ANO COA MARCHA RADETZKY

 O último día lectivo de 2021 xuntámonos alumnado e profesorado para realizar percusión corporal seguindo o ritmo da Marcha Radetzky. Unha bonita forma de combater o frío, gozar coa música e facer comunidade.

Que teñades unhas boas vacacións!

CONMEMORANDO O DÍA DA DISCAPACIDADE

 Como cada 3 de decembro, nesta data tan sinalada, realizamos actividades moi especiais coa intención de achegarnos a outras realidades, comprender, vivenciar e poñernos no lugar das persoas con diversidade funcional. 

Deste xeito, coa colaboración do Ciclo de Atención a Persoas en situación de Dependencia e durante tres semanas de decembro, plantexamos distintas propostas nas que o alumnado tivo que resolver situacións afrontando perda de visión, problemas de movilidade, motricidade reducida, etc. Tamén practicaron distintos deportes adaptados: Goalball, Boccia, escalada a cegas, baloncesto en cadeira de rodas, voleibol sentados, recorridos sensoriais, atletismo con guía, desprazamentos con muletas ou con cadeira de rodas, etc.

Agradecemos á ONCE e á Cruz Vermella de Sarria o préstamo de material para poder realizar varias das actividades.

https://es-es.facebook.com/iesxograr/posts/2002798943213077?__xts__%5B0%5D=68.ARAOC56Lf6Ozoy_ymtRsGdPqWqFm_tX4ggz9pw74gRRmyJf79bPOC8vrfbBWBIu2zZrzvnZ_AiO2ImVUOa6dc4W3J8kWBuWm2s8FMkGfQ2oFjAhhyT6QuJfj-dKAvTFVaV8tk_Zy-SAIVwk73jwKtD6Q8VBAWJcHRE5ITwV5OLDu0wL_pwBG6Aob-A0tdIh5G0fJyk9Kx2s39Ek1wq_aA4Ym9Tyvy7toAP8CH6ZLJhHqgg6kacTGxt5RIXba6TZq1GzGPn2saTpqHulOk3BiXgEWgQT6bFjCgUXGzJijpcCsLhA_EUJj8g&__tn__=-R

CELEBRANDO O DÍA DO PEÓN

 Como xa é tradición, no instituto conmemoramos o día do Peón.

Este ano con xogos e retos dispares que axudaron a combater o frío destes días.

Aquí deixamos algunhas fotografías.

Sodes uns e unhas artistas!!

COMEZANDO O CURSO CON MOITO RITMO

 Xa tiñamos ganas de compartir unha nova actividade entre profesorado e alumnado, eso sí, cumprindo os protocolos, pero gozando ao máximo e facendo exercicio.

Aqui deixamos unhas fotos do baile de "A RODA" feito hoxe no recreo. Para a semana lembrade que celebraremos o Día do Peón!

Apertas.

REMATAMOS O CURSO!

 Tras un ano complexo pero moi activo chegamos ao final. Non podemos deixar pasar esta oportunidade para agradecervos a todos e todas o voso esforzo e compromiso para que as cousas sairan ben. 

Moitos recreos desfrutamos de bailes, xogos, saltos con neumáticos, paseos facendo a Milla, actividades con peóns,...

Tamén este ano lanzámonos a vir ao instituto en biicicleta (podedes ver toda esa infomación neste enlace https://proxectaxograr.wordpress.com/ )

 

En fin, un non parar, pero un montón de actiividades que nos aportaron saúde e diversión para esquecernos, por momentos, da pandemia.

Grazas de novo, desfrutade nas vacacións e agardámosvos cheos de ideas e propostas para o próximo curso.